Gauche-fèr
Calendula arvensis
Asteraceae Compositae
Àutri noum : Soucit-bastard, Soucit-fèr, Soucit-sóuvage.
Noms en français : Souci des champs, Souci sauvage.
Descripcioun :Lou gauche-fèr se vèi proun dins li champ,li vigno e li terro faturado mounte flouris d'abriéu à la fin de l'autouno. A uno odour forto, si fueio soun bourrihudo e tiron un pau sus lou gris.
Usanço :Li flour e li fueio, culido fresco vo seco, rintron dins de preparacioun de tenchuro e de maceracioun forço recouneigudo pèr sougna la pèu (picaduro, plago, variço, estorso...) e touto meno d'enflamacioun. Poudès n'en faire de tisano que soun bono contro li fèbre. Ei peréu un bon antispasmoudi. Avès de l'acampa lou matin d'uno bello journado. Poudès n'en apoundre dins vòstis ensalado pèr n'en douna de bèlli coulour.
Port : Erbo
Taio : 5 à 50 cm
Fueio : alterno
Tipe bioulougico : Emicriptoufite
Cicle bioulougico : Planto renadivo
Gènre : Calendula
Famiho : Asteraceae
Famiho classico : Compositae
Tribu : Calenduleae
Ordre : Asterales
Coulour de la flour :
Jauno
Petalo : >6
Ø (o loungour) enflourejado : 2 à 2,5 cm
Flourido : Printèms
Autouno - Ivèr
Sòu : Ca (Si)
Autour basso e auto : 0 à 800 m
Aparado : Noun
Óutobre à mai
Liò : Champ
- Escoumbre e proche dis oustau
- Ermas
- Camin
Estànci : Termoumediterran à Coulinen
Couroulougi : Paleoutemperado
Ref. sc. : Calendula arvensis L., 1763
Roustrarìo(-peludo)
Rostraria pubescens
Poaceae Graminaceae
Nom en français : Koelérie du littoral.
Descripcioun :Planto que trachis dins la sablo en ribo de mar. Se destrìo de sa cousino Rostraria cristata, proun coumuno, emé si glumo de memo loungour e subretout proun peludo. La lemma porto uno arèsto de 0,5 à 1,3 mm mai que sort pas. Coumpara emé la roustrarìo-à-cresto.
Usanço :Couneissèn pas d'usanço particuliero pèr aquelo planto. Escriéure au site se n'en sabès mai.
Port : Erbo
Taio : 10 à 50 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an
Gènre : Rostraria
Famiho : Poaceae
Famiho classico : Graminaceae
Ordre : Poales
Coulour de la flour :
Verdo
Petalo : ges
Ø (o loungour) flour : Pancaro entresigna
Flourido : Printèms
Sòu : Ca
Autour basso e auto :
Pancaro entresigna
Aparado : Noun
Liò : mar
- Sablo
Estànci : Termoumediterran à Mesoumediterran
Couroulougi :
Pancaro entresigna
Ref. sc. : Rostraria pubescens (Lam.) Trin., 1820
(= Rostraria litorea (All.) Holub, 1974 )
